Minew Telou Perlu Mengundi? (PENTING)

By Pusuk.

Jeminggu cuti, Pusuk pigek kesempatan itou bak mengucap Selamat Lau Ayeng Krismas gak sakai-sakai Kristian telou gahak Selamat Taun Baew gak semua likou Sarawak umumnya, likou Melanau khasnya. Cuti itou Pusuk pigek kawak kesempatan bak bloya gahak belia telou gak Mukah. Pusuk rasa bei jalak masalah wak ayeng angai melanda belia telou lau itou. Dagen 10 lawaih a jemalai/teluaih, Cuma 3-4 lawaih ngak mendaftar mengundi. Itou jalak trend wak merisaukan. Tapi Pusuk paham. Kebanyakkan a muda-mudi lau itou nda sader pun kuasa wak jenuah gak telou sebagai pengundi. Nyadin dagen artikel adik itou, pusuk bak menerangkan secara ringkas minou telou sebagai rakyat perlu mengundi. Mungkin bei perkara wak a muda dengak peden. Nyadin diaklah mun belia Mukah kena bak pebak 5-10 masa bak membaca’ artikel itew.

Biasanya, bila Pusuk membawen a jemalai gak Mukah, kelou ngak mendaftar mengundi ka? Jawapan wak Pusuk trimak, 1)melou nda minat gak politik 2)parti inew pun nyadin perintah, sama un. Wak inew ji wak kena melou? Itou jelas menunjukkan belia Mukah nebei pahem tentang kepentingan pilihan raya ataupun memilek parti wak bak memerintah telou. Pusuk bak pejuah jalak contoh wak paling seneng. Kampung jenuah duit RM5000 bak menabaih kampung. Lalu bei la jemelai-jemelai penadak a menebaih. Duit RM5000 yern bak gaji gahak tuteng, keman, nyok dan itu ini. Bila kajih ngak menebaih, kampung ngak bersi, tapi keman nda jenuah, gaji nda jenuah. Nyaem oren un bei. Lalu pebiran lah jemalai-jemelai itou. Gossip gidei ginan, mengata a keman duit. Lasuk alu tan naseng. Yern contoh wak mungkin berlaku gak ga’an-ga’an pun.

Minou Pusuk bak pigek contoh yern. Buyak mengundi parti wak memerintah telou kurang lebih sama un konsep tapi berlipat kali ganda penting. Minew? Telou a rakyat biasa jenuah kuasa ayeng angai wak telou mungkin nda sader. Telou mungkin pikir nebei kaitan jahak telou. Telou jenuah a kuasa bak memilek pemimpin telou. Memilek a kena bak menjaga kebajikan telou. Pejuah gak telou semua kemudahan gak telou. Cth. Hospital diak, stadium diak, jalan diak, karen, nyaem, airport, masem-masem gei lah.

Tapi telou mungkin nda sader, perintah wak penilek telou itou adalah apah wak telou percayak kena bak menjaga DUIT TELOU supaya bak genuna dagen cara wak betul. Minou duit telou? Bukan perintah ka pejuah duit gak telou? Itou mungkin gian wak telou nda pahem. Telou semua bei bayar cukai. Cukai masem-masem ji. Cukai tanah, cukai jalan, income tax. Semua cukai.

“Mun kelou rasa kelou nebei bayar cukai, cubak kelou pegui ji dagen resit KFC kelou. Bei ka nda tulih cukai kerajaan? Gov tax? 10% keman RM100, buyak cukai RM10. Semua duit itou neh bak pulek gak perintah. Bak bayar gaji a kerja perintah (termasuk polis wak genaji telou a rakyat biasa wak patut menjaga telou, bukan menyabek kopi-o un). Bak menyediakan semua jenis kemudahan gak telou a rakyat biasa itou buyak yern duit telo. Kebanyakan duit wak nebak perintah bak subet itu ini, duit telou. Telou a kerja biasa. A mekieng kedai kopi, a pejaja sayur, a tubeng balau, a dudai, a musok jaban, semua telou a rakyat biasa itou. A gaji 500, 600, 700, 2000, 3000 jebulan, a nenyabek kerja tapi nda kena-kena pun masuok sama. Yern duit lasei telou. Seneng ka bak pinyieng duit???”

Tapi gui kelou ji wak kena telou ajau itou. Perintah kena melei jet bak mapun gidei ginan. Kena bak melei lebok ayeng-ayeng. Kena bak pesawa idak. Tejikah cara bak pebak duit telou itou tuneh. Duit lasei telou jelau-lau. Minou likou miskin ji Philippine pun bak protes ayeng-ayeng mun perintah nda subet kemudahan wak senabek? Buyak lau yern pahem perintah perlu pebak duit lasei lau yern dengan cara wak betul. Cara wak patut pejuah seneng gak lau yern adep. Bukan bak madak kaya a YB wak penilek telou itou tuneh. Duit telou bila telou pejuah gak perintah, telou percayak perintah kena pebak duit yern bak menuloung telou. (contoh duit RM5000 bak menebaih kampung) Bukan bak kinan lau yern adep. Bak melei lebok adep. Inget kelou ta’u-ta’u. Sai wak pejuah duit itou tuneh? Telou wak a rakyat biasa itou.

Sai-sai pun kelou wak kena membacak. Wak nebei skul pun, kena kelou pikir minou likou Sarawak, likou no 4 miskin gak Malaysia. Miskin??!! Minou agei bei a nebei karen gak lebok, agei bei a bak tuteng nyaem hujan (Melanau Bruit, Daro). Agei bei a buyak tindas (Penan). Telou bei segala jenis sumber gak Sarawak. Telou kaya!! Tapi gui kelou gi mudip telou. Hospital umik jalak. Pedeh jumik perlu mapun Sibu, Kuching. Dengak tapak ngak matai. Stadium nebei. Gian bak jogging, bak exercise, nebei. Market baew sibet nda nebak. Sewak murah gak a pejaja perabot. Jalan gak Sau gui kelew gi. Yern japan kalai alak contoh. Kelou adep kena bak pikir wak kek. Kalai pulok taun ngak. Itou jelas menunjukkan duit lasei telou itou tuneh nda nebak cara wak betul. YB-YB bukan main kaya. Kena melei itu-ini. Pusuk bak pedengah gak kelou, Menteri Besar Kelantan, Nik Aziz, tapak lau itou lebok dana. Mun bak mata likou telou kaya, YB kena melei lebok ayeng-ayeng minou telou no 4 miskin gak Malaysia??

Nyadin a belia, a jemalai/teluiah perlu pahem. Mengundi itou penting angai. Buyak telou bak memilek a wak telou percayak bak menjaga duit telou. Bak peguna duit telou pebak cara wak diak. Cara wak kena pejuah seneng gak telou. Mun pulok taun masih teji un ji, itou ngak menunjukan bei masalah ayeng. Kak peselouk! Tebawen gak telou adep, ga’an tuju duit lasai telou wak jenuah telou gak perintah itou tuneh??? Bukan patut bak menyedia kemudahan gak telou ka?? Pusuk percayak mun duit telou itou tuneh bak nebak diak, telou mungkin ngak kena mudip ji likou kek. Likou Putih pun kena. Bukan bak miskin likou Sarawak itou!!

Nyadin mun agei bei telou wak mata, itou politik. Melou nda minat. Diaklah kelou bak sader. Itou bukan politik semata-mata. Inou bak rakyat taew, telou bei kuasa bak memilek perintah wak kena pejuah seneng gak telou. Adil gak telou mana-mana ji likou, mana-mana agama. Diak Islam, Kristian, Buddha. Diak Melanau, Iban, Penan, Kina, Melayu, Kelabit, Kenyah. Itou tanggungjawab telou gak telou debei.

Mun telou taew ngak perintah nebei diak, telou patut bak sader. Buyak undi telou kena bak pejuah seneng gak likou telou debei jahak likou kek gak Sarawak. Ataupun pejuah seneng gak likou telou, tapi pejuah sensara’ gak likou a, ataupun pujuah seneng gak YB, tapi pejuah sensara’ gak likou telou debei. Mun telou taew ngak perintah subet jaet gak a tapak a sensara’ angai mudip, (Karen nebei, jalan nebei, bak kan nebei, nyaem nebei) tapi telou tetap bak memilek perintah itou, diak telou kak mengakun telou bei agama. Seneng telou mungkin sensara’ akek wak nebei kena telou bak imagine susah eyern.

-gak kelou wak dengak mendaftar mengundi, diaklah kelou bak mendaftar ajau. Inget. Yern tanggungjawab telou semua-