Melanau..Minew Telou Agei Tudui!!!!

by Pusuk

Dangen artikel adik lakau itou Pusuk bak menyabek sai-sai wak bei membacak artikel Pusuk bak menyebar berita itou gak semua likou telou, likou Melanau.

Likou telou agei tudui nda migak2. Telou nebei lalu bak pigek serius perjuangan itou wak bak pejuah baliek kuasa gak rakyat. Jalak Sarawak ajau itou ngak melawen, tapi telou likou Melanau kudok relek gak lebok, jumik pun nda sader likou kek gak Sarawak ngak pekat bak melawen perintah mamak telou itou. Pusuk bak mencabar kelou, sai kelou wak nda taou perintah telou mamak!?? Bei jelawaih ka kelou? Mun nebei, minou telou bak tudui nda migak2!

Itou Pusuk bak pejuah gak semua likou Melanau diak gak Mukah, Oya, Dalat, Igan, Matu, Daro blog-blog gahak website bukti gak telou semua likou kek ngak jauk lebih maju berbanding telou dagen perjuangan itou.

http://www.cobboldjohn.com/?p=3176 tv sarawak bebas

http://radiofreesarawak.org/

http://dayakbaru.com/

http://www.sarawakreport.org/

Likou kek bei pulok ribu ngak apah bak melawen. Mungkin alasan telou, telou nda taou. Nyadin ajau itou kelou ngak taou. Atau mungkin telou bak nyadin jaguh kampung? Pebiran gak kampung tapi nebei subet inew-inew bila bak melawen ta'u. Juah duit jumik, lalu nda sader telou pejaja likou telou debei!

Mukah likou Pusuk kawak. Likou kelou kawak. Minou telou perlu bak pekat, Pusuk ngak pedengah memin gak telou. Tapi tapak lau itou, Pusuk kena peden, dengak bei jelawaih pun telou a Melanau Mukah bak jahak perjuangan itou. Ego telou, ged telou, jauk bau keman langit!!

Saderlah Melanau. Telou ngak madek tugun. Paya gei telou bak laju keman a. Atau telou bak pegui likou kek maju baih yern telou bak lulok?! Masa telou lepaih un jelau2.

Jelakau gei Pusuk bak menyabek semua likou Melanau, bak migak ajau! Telou ngak jauk angai ninai likou kek gak Sarawak. Likou kek ngak sader tayi angai ngak. Lau yern ngak ba'ai berpereng jauk awel keman telou. Buyak lau yern ta'au kepentingan bila telou bei perintah bersi wak ta'u memperjuangkan hak rakyat!

Gak semua Likou Mukah, telou kena bak menuloung bak pebak inou cara sekalipun. Pedengah gak sakai2, print artikel bak bacak sakai, juah website bak gui sakai2, share dagen fb telou, email. Umik ga'an pun jasa telou, telou tetap sebahagian daripada perubahan itou. Terima kasih.

-Amun kelou wak bak pekana info wak kelou nebei pernah taew, kelou kena bak add Pusuk gak fb kelou, tapi rasanya agei buyak block. Pusuk Mukah.